25 мая 2024
Дуслар, сезгә тамашачыбыз Лилия Муллахмәтованың шигырен тәкъдим итәбез!
Апа кушты матур шигырь
Уйлап табып язарга.
Дусларымны күзәтәм әле:
Алар калганнар уйга...
Аделина карап тора,
Классташлар язганга.
Ә Лиана “Аһ”дип утыра
Шигырь яза алмыйча.
Азамат та уйланган,
Ильнар рәсем ясыйдыр.
Ә Гөлгенә белән Газиз
Шигырь яза башлыйдыр.
Адилә белән Камилә
Бер-берсенә карыйлар.
Язалар да язалар,
Тагын бер кат уйлыйлар.
Апа яңа шигырь сорый,
Уйлыйбыз әле һаман.
Бик кыен ул, бик озак ул
Фикер чуалып калган...
Сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны pr@shayantv.ru почтасына җибәрегез!
Комментарии: