ДЕТСКАЯ РЕДКОЛЛЕГИЯ

Бу атнада сезгә ШАЯН тамашачыбыз Ләйлә Хаҗиеваның «Моңсу көз» дип исемләнгән иҗат җимешен тәкъдим итәбез.

Сукмакларга көз патшасы
Алтын келәмен җәйгән,
Юл буендагы каеннар
Сары күлмәген кигән.

Күчмә кошлар, тезелешеп,
Җылы якка юнәлгән.
Саубуллашу җырлары
Сагыш белән үрелгән.

Күк йөзенә соры болыт
Катлам-катлам эленгән,
Кояш та, иренеп кенә,
Сирәк чыга өеннән.

Әллә нинди моңсу көйләр
Ташып чыга күңелдән...
Аерыласы килми әле
Тиз генә җылы җәйдән.

Дуслар, сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны pr@shayantv.ru почтасына җибәрегез!