Татарстанда мәктәп чатлары яңа мессенджерга күчә

1 сентябрьдән Татарстан мәктәп чатлары милли мессенджер MAXка күчерелә башлый. Анда «Сферум»дагы таныш сервислар сакланачак: «Пушкин картасы», «Бүләкләр» һәм «Тәнәфес».

Күчү берничә этапта узачак:

1. Башта — ТР Мәгариф һәм фән министрлыгы һәм мәгариф идарәләре хезмәткәрләре.
2. Аннары — мәктәпләр, балалар бакчалары, колледж һәм техникум педагоглары.
3. Соңгы этапта — ата-аналар һәм укучылар.

MAX белем бирү сервисларын берләштерәчәк һәм аралашуны уңайлырак, куркынычсызрак итәчәк.